កាលពីថ្ងៃទី២៧ ខែធ្នូ ឆ្នាំ២០១០ វេលាម៉ោងប្រហែលជា ១៤:០០នាទីរសៀល នៅភោជនីយដ្ឋានពន្លឺនាគទិព្វមានការចែកអត្តសញ្ញាណប័ណ្ណជូនដល់ប្រជាពលរដ្ឋនៅក្នុងក្រុងប៉ោយប៉ែត ដែលមានប្រជាពលរដ្ឋចូលរួមប្រហែល ២០០នាក់ ក្រោមអធិបតីភាពលោកអភិបាលក្រុង និងលោកស្នងការខេត្តបន្ទាយមានជ័យ។
ក្នុងការចែកអត្តសញ្ញាណបណ្ណ័នោះឃើញថាវាមានការខុសប្លែកពីលើកមុនៗ ដែលស្នងការផ្តល់ទៅឲ្យសង្កាត់ និងប៉ូលីសសង្កាត់សហការជាមួយមេភូមិ ដើម្បីចែកជូនដល់ប្រជាពលរដ្ឋ។ មានមតិមួយចំនួនបានលើកឡើងថាៈ ការចែកនេះវាធ្វើឲ្យខាតបង់ថវិកាជាតិយ៉ាងច្រើន ដែលត្រូវចំណាយក្នុងការរៀបចំកម្មវិធីនេះ និងខាតបង់ពេលវេលា ព្រមទាំងថវិការបស់ប្រជាពលរដ្ឋ ក្នុងការចំណាយសោហ៊ុយមកទទួលអត្តសញ្ញាណប័ណ្ណនោះ។ មតិមួយទៀតក៏បានលើកឡើងថា គណបក្សប្រជាជនកំពុងតែយកប្រៀបផ្នែកនយោបាយ ដែលចង់បង្ហាញថានេះគឺជាស្នាដៃគណបក្សខ្លួន ជាអ្នកធ្វើ ដោយភ្លេចគិតពីកាតព្វកិច្ចខ្លួន និងពីការលំបាករបស់ពលរដ្ឋក្នុងការមកទទួល។ ក្នុងនោះដែរប្រជាពលរដ្ឋមកពីសង្កាត់និមិត្តក៏បានសំណូមពរសុំឲ្យអាជ្ញាធរផ្តល់ការចែកនេះដូចកាលពីមុនគឺ នៅសាលាឃុំ ឬ ប៉ូលីសសង្កាត់ គឺជិតផ្ទះរបស់គាត់ ប៉ន្តែពួកគាត់ត្រូវចំណាយសោហ៊ុយប្រហែលជា ១០,០០០៛ ដើម្បីមកទទួលអត្តសញ្ញាណបណ្ណ័នៅទីនោះ។ ចំណែកអ្នកខ្លះមកហើយ ក៏ មិនបានខាតតែសោហ៊ុយ និងពេលវេលា។