បន្ទាយ មានជ័យៈ ក្រុមរកស៊ីឈើខុសច្បាប់ បានសហការគ្នាជាមួយមេព្រៃ និងសមត្ថកិច្ចមួយចំនួនទៀត ដឹកឈើទាំងយប់ ទាំងថ្ងៃ ចូលមកខេត្តបន្ទាយមានជ័យ ពុំខ្លាចញញើតអ្នកណាឡើយ...
នៅ ខេត្តបន្ទាយមានជ័យសព្វថ្ងៃនេះ គឺមានឈ្មួញបីនាក់ ដែលដឹកឈើចូលដោយអាងថា ច្បាប់ ឬពាបមីនោះ គឺ១/ឈ្មោះ វ៉ា ភេទប្រុស អាយុប្រហែល ៣៥ឆ្នាំ ២/ឈ្មោះ ចែ ភា ភេទស្រី អាយុប្រហែល ៤៧ឆ្នាំ ៣/ឈ្មោះ ចែ គយ ភេទស្រី អាយុប្រហែល ៥០ឆ្នាំ រស់នៅភូមិខ្លាកូនចាស់ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ អ្នកទាំងបីនោះ បានប្រាប់អ្នកយកព័ត៌មានថា ពួកគាត់រកស៊ីនេះ បើគ្មានការបើកភ្លើងខៀវពីសមត្ថកិច្ចទេ នោះពួកគាត់មិនអាចឆ្លងកាត់ពីខេត្តឧត្តរមានជ័យ កាត់ខេត្តសៀមរាប ចូលមកខេត្តបន្ទាយមានជ័យបានឡើយ។
ឈ្មួញ ទាំងបីនាក់នោះ បន្តឲ្យដឹងទៀតថា ការបង់លុយឲ្យមន្រ្តីជំនាញ ដោយ ក្នុងមួយឡានយីឌុបមានដូចជាៈ សម្រាប់មេព្រៃសំរោង ១លានរៀល ស្រុកសំរោង៥០ម៉ឺនរៀល មេព្រៃវ៉ារិន ១លានរៀល ស្រុកវ៉ារិន ៥០ម៉ឺនរៀល មេព្រៃសង្កាត់សិរីសោភ័ណ ៥០ម៉ឺនរៀលប៉េអឹមខេត្ត ៥០ម៉ឺនរៀល និងសាលាខេត្តបន្ទាយមានជ័យ ២លានរៀល។
ប្រ ភពព័ត៌មានពីអ្នកស្រុកដែលរស់នៅក្បែរដេប៉ូឈើមួយកន្លែងដែល ស្ថិតនៅភូមិគោរដ្ឋាន សង្កាត់អូរអំបិល បានប្រាប់អ្នកយកព័ត៌មានយើងថា ចំពោះឈើដែលដឹកចូលដេប៉ូរបស់តាសៅនេះ គឺភាគច្រើនដឹកមកពីឧត្តរមានជ័យ ឆ្លងកាត់ខេត្តសៀមរាប រួចហើយយកមកទំលាក់នៅក្នុងដេប៉ូតាសៅនេះតែម្តង។ ប្រភពដដែលនោះ បានបន្តទៀតថា ឈើទាំងនោះ ភាគច្រើនដឹកតាមឡានរបស់តាសៅ ចែគយ និង វ៉ា នៅពេលយប់ និងពេលថ្ងៃ។
ក្រុម ឈ្មួញរកស៊ីដឹកឈើទាំងនោះ បាននិយាយប្រាប់ថា ពួកគាត់មានលុយ គឺចង់ដឹកចេញពីកន្លែងអ្នកអារនៅឯព្រៃ រួចហើយនាំគ្នាជញ្ជូនដឹកមកបន្ទាយមានជ័យ ដោយសំអាងថា ឈើដែលក្រុមពួកគាត់ដឹកមានច្បាប់ ឬពាបមី PC។
មេ ឈ្មួញរកស៊ីដឹកឈើទាំងនោះ បាននិយាយប្រាប់បន្តទៀតថា ពួកគាត់ចង់ដឹកចូលពេលណា ក៏បានដែរ រីឯចំពោះលោកមេព្រៃ និងសមត្ថកិច្ច វាងាយស្រួលបំផុត មិនចាំបាច់ខ្វល់ទេ ពេលដែលដឹកឈើចូលមក គ្រាន់តែ Call ប្រាប់ចំនួនឡាន ឈ្មោះរបស់ថៅកែទៅ វាគ្មានអ្នកណាគេសួរនាំអ្វីនោះទេ គឺគ្រាន់តែយកលុយទៅជូនដល់ក្រុមសមត្ថកិច្ចទាំងនោះដល់គ្រែដេក នោះទៅ វាបានទៅហើយ។
អ្នក ស្រុកម្នាក់ៗ បានរិះគន់ដល់សមត្ថកិច្ចជាចំហរថា បើរាស្រ្តតូចតាចទៅកាប់ឈើ ឬកាប់ប្ញស្សីមួយដើម នៅព្រៃ ឬក៏ដឹកឈើអុសគ្រាន់ចំអិនដាំទឹកហូប ឬពិធិបុណ្យផ្សេងៗ គឺពេលដឹកចេញមកពីព្រៃ មន្រ្តីឃុំនាំគ្នាចេញចាប់ នាំយកទៅជំរិតទារលុយឥឡូវហ្នឹង បើគ្មានលុយបង់ឲ្យពួកគេទេ គឺត្រូវពួកគេបញ្ជូនទៅតុលាការភ្លាមៗ។ តែបើពួកឈ្មួញវិញ ចង់ដឹកឈើមួយថ្ងៃ ១០០ឡាន ក៏បានដែរ ឲ្យតែមានលុយយកទៅប្រគេនជូនទៅបងៗមេព្រៃ ឬសមត្ថកិច្ច វាជាការស្រេចទៅហើយ។
អ្នក ស្រុកដដែលនោះបន្តទៀតថា បើមេព្រៃ មន្រ្តីពាក់ព័ន្ធ បើនៅតែនាំគ្នាបន្តយកលុយសំណូកបែបនេះ សង្ឃឹមថា ២០ឆ្នាំក្រោយ កូនចៅរបស់ពួកគាត់ ច្បាស់ជាលែងស្គាល់ឈើ បេង នាងនួន គគី កកោះ ត្រាច ថ្នង់ ផ្ចឹក រាំង ទៀតហើយ៕
Popular Posts
-
សរសេរដោយ ភ្នំពេញដេលីញូវ សុក្រ, 31 ធ្នូ 2010 07:12 ប្រទេសកម្ពុជាយើងមានទីតាំងបុរាណ ជាច្រើនដែលកន្លែងខ្លះបានធ្វើការស្រាវជ្រាវ និង កន្លែងខ្លះ... -
ខ្សែរ៉ក និងក្បូន នៅតាមច្រករបៀងប៉ូលីសជើងគោក 8-91 កំពុងចំលងទំនិញគេចពន្ធយ៉ាងគគ្លើន ប៉ោយ ប៉ែត៖ ទោះបីជាឯកឧត្តមនាយឧត្តមសេ... -
ថ្ងៃសៅរ៍ 01 មករា 2011 សារព៌ត័មានសេរី ពលរដ្ឋ ខ្មែរដែលត្រូវបានទាហានសៀមចាប់ខ្លួននៅពេលឆ្លងដែនចូលទៅក្នុង ទឹកដីរបស់គេក្នុងខេត្...
-
បន្ទាយ មានជ័យៈ ក្រុមរកស៊ីឈើខុសច្បាប់ បានសហការគ្នាជាមួយមេព្រៃ និងសមត្ថកិច្ចមួយចំនួនទៀត ដឹកឈើទាំងយប់ ទាំងថ្ងៃ ចូលមក... -
ដោយ ៖ កោះឯករាជ្យ ថ្ងៃ សុក្រ ទី ៣១ ខែ ធ្នូ ឆ្នាំ ២០១០ ក្រុង ប៉ោយប៉ែត ៖ ក្រុមជនជាប់ចោទចាប់រំលោភស្ត្រីលើវាលស្មៅ២នាក់ ក្នុងចំ... -
អ្នកភូមិនៅបន្ទាយមានជ័យបារម្ភខ្លាចបាត់បង់ដី ដោយ សួន សុផលមុន្នី 2010-12-11 អ្នក ភូមិជិត ៥០០គ្រួសារ រស់នៅតាមបណ្ដោយព្រំដែនខ្មែរ ក...
-
កម្ពុជាថ្មី ១០មករា ២០១១ ភ្នំពេញ ៖ បទល្មើសគ្រឿងញៀនដ៏ធំនៅខេត្តបន្ទាយមាន ត្រូវបានលាតត្រឡាងបើកវាំងននខ្មៅហើយ ដោយសមត្ថកិច្ចប្រឆាំង...
-
ដោយ៖ ស្ថាបនា 12/01/2011 បន្ទាយមានជ័យ ក្រោយពេលដែល គណៈប្រតិភូមួយក្រុមដឹកនាំដោយលោក អ៊ុង អឿន អភិបាល នៃគណៈអភិបាលខេត្តបន្ទាយ... -
ដោយ ៖ កោះឯករាជ្យ(កោះសន្តិភាព)ថ្ងៃ សុក្រ ទី ៣១ ខែ ធ្នូ ឆ្នាំ ២០១០ ខេត្តបន្ទាយមានជ័យ ៖ បន្ទាប់ពីជួបប្រជុំពិភាក្សាគ្នារវាងក្រុមមន្ត...
-
សរសេរដោយ ភ្នំពេញដេលីញូវ ប្តីប្រពន្ធពីរនាក់ក្រោយពីពិនិត្យឈាម ឃើញលទ្ធផលមានផ្ទុកមេរោគអេដស៍ បែកអារម្មណ៍រត់ចូលឡាន ដើម្បីធ្វើអត្ត ឃាតផ្អើលប្រជាព...