ច្រកទ្វារអន្តរជាតិប៉ោយប៉ែតៈ ថ្នាំសប្បាយផ្លូវភេទកំពុងកាក់កប គ្មានមន្ត្រីសមត្ថកិច្ចណាអើពើ
ក្រុម អ្នកលក់ថ្នាំសប្បាយផ្លូវភេទ នៅមាត់ច្រកទ្វារអន្តរជាតិប៉ោយប៉ែត កំពុងតែរកស៊ីកាក់កប ក្នុងការតាំងលក់ថ្នាំបំរើផ្លូវភេទ យ៉ាងអណាធិបតេយ្យ ពុំមានការហាមឃាត់ ពីសំណាក់អស់លោកសមត្ថកិច្ច ដែលកំពុងប្រចាំការបំពេញភារកិច្ចនៅទីនោះសោះ ពីព្រោះអស់លោកទាំងនោះ បានទទួលផលពីក្រុមអ្នកទាំងនោះ ហើយគាត់ចាត់ទុកថា ការលក់ថ្នាំ សម្រាប់បំរើផ្លូវភេទបែបនេះ វាជាប្រពៃណីរបស់អ្នកលក់ទៅហើយ។
តាម ការសង្កេត ឃើញថា ជាប្រចាំគឺមានទូរកញ្ចក់ប្រហែលចំនួនប្រាំប៉ុណ្ណោះ ដែលបានដាក់លក់ថ្នាំប្រភេទ ដែលសុទ្ធសឹងតែជាថ្នាំបំរើផ្លូវភេទទាំងអស់ នៅមុខទូរកញ្ចក់ ហើយមានលក់ស្រាយីហោទំនើបៗ ខ្លះសម្រាប់ទាក់ទាញភ្ញៀវទេសចរ ព្រោះគេខ្លាចភ្ញៀវ មើលមិនឃើញ ខ្លាចលក់មិនដាច់ទៀតនោះ ទើបគេនាំគ្នា ដាក់មុខទូរកញ្ចាក់ សម្រាប់សំញើញបែបនេះ ងាយស្រួលពេលមានអ្នកត្រូវការ រកជាវឃើញ ហើយក៏ងាយស្រួលក្នុងការលក់ឲ្យបានឆប់រហ័សទៀត។
នៅ ក្នុងការលក់ថ្នាំបំរើរផ្លូវភេទបែបនេះ គឺមានតាំងពីយូរយាណាស់មកហើយ គឺភាគច្រើនជាជនជាតិសៀម ខ្លះជាជនជាតិខ្មែរ ខ្លះជាអ្នកដែលមានអំណាចគួរសម បានសហការជាមួយអស់លោកធំៗ ដែលនៅផ្តុំនោះ ដើម្បីបើកលក់ថ្នាំបំរើផ្លូវភេទជូនភ្ញៀវទេសចរ ឬទុកលក់ជូនអស់លោកធំៗ ដែលគាត់ត្រូវការម្តងម្កាលទៀតផង។
រាល់ សកម្មភាពលក់ថ្នាំបំរើផ្លូវភេទនេះ ត្រូវបានភ្ញៀវទេសចរខ្លះ បានឲ្យដឹងថា នៅមាត់ច្រកទ្វារអន្តរជាតិប៉ោយប៉ែតមួយនេះ គឺមិនគួរណាអស់លោកអនុញ្ញាតិឲ្យឈ្មួញយកវត្ថុទាំងនោះ មកដាក់លក់សំញើញបែបនេះទេ។ ភ្ញៀវទេសចរបន្តឲ្យដឹងទៀតថា ក្រុងប៉ោយប៉ែត ជាតំបន់ទេសចរមួយយ៉ាងសំខាន់ មិនមែនជាតំបន់ទេសចរផ្លូវភេទនោះទេ ចាំបាច់យកថ្នាំទាំងនេះ មកដាក់តាំងលក់ធ្វើបែបអណាធិបតេយ្យ នៅមាត់ច្រកយ៉ាងនេះធ្វើអី! គឺគួរតែដាក់តាំងលក់របស់អនុស្សាវរីយ៍ ដែលជារបស់ខ្មែរ គឺវាល្អជាង តែបើលក់របស់អាសអាភាសបែបនេះ គឺវាធ្វើឲ្យអាប់ឱនដល់អរិយធម៌ វប្បធម៌ខ្មែរយ៉ាងធ្ងន់ធ្ងរ។ តែបើជ្រុលជាបានលក់ទៅហើយ គួរតែរកកន្លែងណាជាលក្ខណៈបិទបាំងទៅ ទើបវាគ្មានបញ្ហាប៉ះពាល់។
គេបានបន្ត ឲ្យដឹងទៀតថា នៅក្នុងករណីលក់ដូររបស់អាសអាភាសទាំងអស់ខាងលើនេះ គឺអាជ្ញាធរក្រុងប៉ោយប៉ែត ឬក៏អស់លោក ដែលទទួលខុសត្រូវនៅមាត់ច្រកទ្វារអន្តរជាតិនេះ គួរតែនាំគ្នាជួយមើលសកម្មភាពលក់ដូរទាំងនោះផង ហើយកុំចេះតែលក់កន្លែងដាក់ខែយកលុយ មេត្តាគិតដល់វប្បធម៌ អរិយធម៌របស់ខ្មែរ ដែលមានជាយូរលង់មកហើយផង៕