-សម្តេចហ៊ុនសែនថាមិនអាចដោះ លែងដំណាងរាស្ត្រថៃបានទេ

សរសេរដោយ ភ្នំពេញដេលីញូវ
ពុធ, 29 ធ្នូ 2010 12:42

សម្តេចបានថ្លែងពីរឿងចំណាប់ខ្មាំងជនជាតិ​ ថៃទាំង៧នាក់ថា៖"មានអន្តរាគមស្នើសុំអោយ មាន​ការដោះលែងសមាជិក​សភា​២រូបនោះ។ មនុស្សទាំងអស់យើងឃាត់ខ្លួនមាន៧នាក់។ យើងមិនអាចដោះលែងតែ២នាក់បានទេ។ ខ្ញុំនិង​រដ្ឋមន្ត្រី​ការបរទេសមិនលូកលាន់ការងារនេះទេ។ ទុកអោយតុលាការធ្វើការលើរឿងនេះ"។
សម្តេចនាយករដ្ឋមន្ត្រី​​បានទាញចំណាប់អារម្មណ៍មតិសាធារណៈថា ការចាប់ខ្លួនជនជាតិថៃទាំងនេះ នឹងមិនបង្ករ​អោយមាន​ការប៉ះពាល់ដល់ទំនាក់ទំនងការទូតនៃប្រទេសទាំងពីរសារជាថ្មីនោះទេ។
តំណាងរាស្ត្រថៃមានអភ័យ​ឯកសិទ្ធ​តែនៅលើទឹកដីតែប៉ុណ្ណោះ។ មិនអាចចូលមកវាស់ដីថៃ នៅលើទឹកដីខ្មែរឡើយ"។ អាជ្ញាធរកម្ពុជារឹបអូសបានកាមេរ៉ាវីដេអូ៤គ្រឿង (ធំ២ តូច២) ទូរស័ព្ទ៥គ្រឿង។ ជនជាតិថៃទាំង៧នាក់​នោះដែលក្នុង​នោះមានស្រីពីរនាក់រួមមាន១.លោកផាន់លីត វីឃីតសេត អាយុ៤៧ឆ្នាំ ជាសមាជិកសភា, ២.លោកកាត់ផុនថាក់ ឈឺ​ឆាក់​សាវី អាយុ៤១ឆ្នាំជាសមាជិកសភា(ក្រុមអាវលឿង), ៣.លោកចាយណៃ អាយុ៣៤ ជាអ្នកថតរូប, ៤.លោកស្រី សារ៉ាក់លីត អាយុ៤៨ឆ្នាំ, ៥.លោកស្រីទ្រីសែនឌិនឡឺតអាយុ៥៧ឆ្នាំជាលេខាបក្ស(ក្រុមអាវលឿង), ៦.លោកវីរ:ស៊ុមខ្លាមឃិតអាយុ៥៣ឆ្នាំ(ខាងក្រុមអាវលឿង),និង៧, លោកណូទ្រីកិនផាណាសាប៊ូនអាយុ៥០ឆ្នាំ។