-ចាប់​ខ្លួន​ជន​ជាតិ​ថៃ ៧​នាក់

Wednesday, 29 December 2010 15:59
ជាង សុខា (Phom Penh Post)

បន្ទាយមានជ័យ៖ អាជ្ញាធរ​កម្ពុជា នៅ​ថ្ងៃ​ពុធ ទី​២៩ ធ្នូ​នេះ បាន​ចាប់​ខ្លួន​ជន​ជាតិ​ថៃ ៧​នាក់ រួម​ទាំង​សមាជិក​សភា​គណ​បក្ស​ប្រជាធិបតេយ្យ​ លោក វីរ៉ា សំក្វាមឃីត ផង​ដែរ បន្ទាប់​ពី​អ្នក​ទាំង​នោះ​បាន​ឆ្លង​ដែន​ខុស​ច្បាប់​ចូល​ទឹក​ដី​កម្ពុជា។

ស្នងការ​នគរ​បាល​ខេត្ត​បន្ទាយមាន​ជ័យ លោក ហ៊ុន ហ៊ាន បាន​បញ្ជាក់​ថា បាន​ចាប់​ខ្លួន និង​បាន​បញ្ជូន​មន្ត្រី​នគរ​បាល​អន្តោ​ប្រវេសន៍ និង​អនុ​ប្រធាន​របស់​លោក ទៅ​កាន់​តំបន់​នោះ នៅ​ឯ​ឃុំ​អូបីជាន់ ស្រុក​អូរជ្រៅ ដើម្បី​ធ្វើ​ការងារ​លើ​បញ្ហា​នេះ។

លោក​ស្នងការ​ប្រាប់​ថា ជន​ជាតិ​ថៃ​មួយ​ក្រុម​មាន​គ្នា ៧​នាក់ ក្នុង​នោះ​បុរស ៥​នាក់ និង​ស្ត្រី ២​នាក់ បាន​ចូល​មក​តំបន់​ព្រំ​ដែន ដើម្បី​ចូល​មើល​តំបន់​នោះ ប៉ុន្តែ អាជ្ញាធរ​នៅ​មិន​ទាន់​សម្រេច​ថា​ចាត់​វិធានការ​​ផ្លូវ​ច្បាប់​បែប​ណា ឬ​ដោះ​លែង​មនុស្ស​ទាំង​នោះ​ ឬ​យ៉ាង​ណា​នោះ​ទេ។