កាលពីថ្ងៃទី០៦ ខែធ្នូ ឆ្នាំ២០១០ ប្រជាពលរដ្ឋក្នុងក្រុងសិរីសោភ័ណប្រហែល៣០០នាក់ បានជួបជុំគ្នាមុខសាលាខេត្តបន្ទាយមានជ័យ ដើម្បីស្នើសុំឲ្យលោកអភិបាលខេត្ត ជួយអន្តរាគមន៍បញ្ចុះតម្លៃទឹកស្អាត ពី១៩០០រៀល មកនៅត្រឹមតែ១៦០០ តម្លៃដដែល។ គណៈអភិបាលខេត្ត បានអញ្ជើញតំណាងប្រជាពលរដ្ឋចំនួន ៣០នាក់ ដើម្បីធ្វើការចចារ ប៉ុន្តែមិនមានដំណោះស្រាយជូនដល់ក្រុមប្រជាពលរដ្ឋទេ និងបង្វែរការទទួលខុសត្រូវនេះទៅក្រសួង និងមន្ទីជំនាញ។ សូមបញ្ជាក់ថានេះជាលើកទី៣ ហើយដែលប្រជាពលរដ្ឋបានមកធ្វើការតវ៉ានៅមុខសាលាខេត្ត។