អ្នកភូមិនៅបន្ទាយមានជ័យបារម្ភខ្លាចបាត់បង់ដី
ដោយ សួន សុផលមុន្នី
2010-12-11
អ្នក ភូមិជិត ៥០០គ្រួសារ រស់នៅតាមបណ្ដោយព្រំដែនខ្មែរ ក្នុងខេត្តបន្ទាយមានជ័យ ជាប់ព្រំដែនថៃ កំពុងមានការព្រួយបារម្ភពីការបាត់បង់ដីស្រែចម្ការ បន្ទាប់ពីមានក្រុមហ៊ុនឯកជនមួយបានដាក់គ្រឿងចក្រទៅឈូសឆាយ ហ៊ុមព័ទ្ធយកដីរបស់ពួកគាត់ ដែលបានកាន់កាប់ និងបង្កបង្កើនផលជាច្រើនឆ្នាំមកហើយនោះ។
អ្នក ភូមិជាយដែនជាច្រើនរយគ្រួសារ បានជួបប្រជុំគ្នានៅវត្តប្រាសាទត្បែង ក្នុងភូមិប្រាសាទត្បែង ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ ទាមទារយកដីស្រែរបស់ពួកគាត់មកវិញ បន្ទាប់ពីក្រុមហ៊ុនឯកជនមួយបានដាក់គ្រឿងចក្រទៅឈូសឆាយហ៊ុមព័ទ្ធដី ទាំងនោះទៅធ្វើជាដីសម្បទានសេដ្ឋកិច្ច កាលពីពេលថ្មីៗនេះ។
លោក សូត្រ អ៊ីម អាយុ ៣៧ឆ្នាំ រស់នៅភូមិប្រាសាទត្បែង ឃុំបន្ទាយឆ្មារ បានថ្លែងថា កាលពីថ្ងៃទី១ ខែធ្នូ ឆ្នាំ២០១០នេះ ក្រុមហ៊ុន លាង ប៊ូ បានដាក់គ្រឿងចក្រទៅឈូសឆាយហ៊ុមព័ទ្ធយកដីស្រែចំនួន ១.៧៨៣ហិកតារបស់អ្នកភូមិប្រាសាទត្បែង ៤៨០គ្រួសារ ទើបនៅព្រឹកថ្ងៃសៅរ៍ ទី១១ ខែធ្នូនេះ ក្រុមអ្នកភូមិលើកគ្នាទៅជួបប្រជុំគ្នាតវ៉ានៅវត្តប្រាសាទត្បែង។
លោក សូត្រ អ៊ីម បន្ថែមថា ៖ «ដីស្រែទាំងអស់អត់មានជាដីព្រៃអី ទេ ប្រជាពលរដ្ឋក្នុងភូមិប្រាសាទត្បែង ចំនួន ៤៨០គ្រួសារ ដើម្បីកាក់គ្រឿងចក្រ មិនឲ្យកាយបន្តទៅទៀត ប៉ុន្តែវាកាយទីលានចម្ងាយពីផ្លូវ ៥០០ម៉ែត្រ ៤ជ្រុង ដើម្បីដាក់គ្រឿងចក្រ។ សំណូមពរសុំឲ្យជួយកុំឲ្យក្រុមហ៊ុនយកដីប្រជាពលរដ្ឋច្រើនហួសហេតុ ពេក បើថា យកទំហំធំបែបនេះ ប្រជាជននៅតំបន់ដាច់អស់ហើយ»។
ក្រុមអ្នកភូមិបានអះអាងថា ពួកគាត់បានកាន់កាប់ និងបង្កបង្កើនផលលើដីស្រែនោះក្នុងមួយគ្រួសារៗ ទំហំ ៥ហិកតា តាំងពីឆ្នាំ១៩៩៨មក ក្រោយពីមានការបែងចែករបស់លោកឧត្ដមសេនីយ៍ត្រី សូ ចាន់ហេង លុះដល់ឆ្នាំ២០០៨ ក្រុមហ៊ុន លាង ប៊ូ បានឃើញដីស្រែទាំងនោះវាលអស់ព្រៃ ក៏សុំអាជ្ញាប័ណ្ណពីរាជរដ្ឋាភិបាលធ្វើយកដីនោះធ្វើដីសម្បទាន សេដ្ឋកិច្ច ៖ «ប្រជាជនមួយគ្រួសារមានតែ ៥ហិកតាទេ ដល់ក្រុមហ៊ុនយកអស់រលីង ប្រជាជនកំពុងច្របូកច្របល់ ហើយទាំងគេទាំងខ្ញុំអត់មានអីពឹងទេ មានតែស្រែ ៥ហិកតា ហើយ ៥ហិកតាចំនួនកូនចៅទាំងអស់មានដល់ ៦នាក់ ៧នាក់ ដូច្នេះក្រុមហ៊ុនធ្វើដូច្នេះងាប់អស់ហើយអ្នកស្រុក»។
តំណាងក្រុមហ៊ុន លាង ប៊ូ មិនអាចសុំការបញ្ជាក់ទាក់ទិនការអះអាងរបស់អ្នកភូមិនេះបានទេ ហើយក៏មិនមានប្រភពណាបញ្ជាក់ថា ក្រុមហ៊ុន លាង ប៊ូ នេះ ទទួលបានសិទ្ធិពីរដ្ឋាភិបាល ធ្វើការវិនិយោគលើដីនៅតំបន់នោះប៉ុន្មានហិកតា និងមានកុងត្រារយៈពេលប៉ុន្មានឆ្នាំនោះទេ។ ប៉ុន្តែលោក វ៉ាត ហាន មេឃុំបន្ទាយឆ្មារ បានឲ្យដឹងថា ក្រុមហ៊ុន លាង ប៊ូ មានគម្រោងយកដីនៅតំបន់ចំនួន ១.៧០០ហិកតា ដើម្បីធ្វើការវិនិយោគ ប៉ុន្តែមិនដឹងថា វិនិយោគលើដំណាំអ្វីនោះទេ។
លោកមេឃុំបន្តថា គម្រោងវិនិយោគលើដីនៅតំបន់នោះរបស់ក្រុមហ៊ុន បានធ្វើឲ្យប៉ះពាល់ដីស្រែអ្នកភូមិ ដែលបានកាន់កាប់ច្រើនឆ្នាំមកហើយ ៖ «មែនទែនទៅវាដោយដី ប្រជាពលរដ្ឋហ្នឹងវាច្រើន បើកាលនិយាយដើមដំបូងអត់ទេ ថាដីព្រៃសុទ្ធ អាហ្នឹងបានធ្វើដីពាក់ព័ន្ធនឹងពលរដ្ឋ គេគ្រាន់តែក្រុមហ៊ុននោះដាក់ច្បាប់ក្រោយពលរដ្ឋទេ ពលរដ្ឋបានប្រើប្រាស់ហ្នឹងយូរឆ្នាំហើយ តែដល់ពេលក្រុមហ៊ុនដាក់ច្បាប់ទៅ អាទំហំច្បាប់របស់ក្រុមហ៊ុនហ៊ុមព័ទ្ធដីរបស់ប្រជាពលរដ្ឋ»។
ទាក់ទិននឹងបញ្ហានេះ អភិបាលខេត្តបន្ទាយមានជ័យ លោក អ៊ុង អឿន បានមានប្រសាសន៍ថា អាជ្ញាធរខេត្តនឹងដឹកនាំក្រុមការងារចម្រុះមួយចុះទៅពិនិត្យដីនៅ តំបន់នោះ ដើម្បីដោះស្រាយជូនប្រជាពលរដ្ឋដែលពុំមានដីពិតប្រាកដ ៖ «យើង នឹងហៅមន្ត្រីជំនាញទាំងអស់ដើម្បីចុះទៅពិនិត្យជាក់ស្តែង អ្នកណាដែលអត់ដីពិតប្រាកដ យើងស្រាវជ្រាវរកប្រវត្តិថា គាត់អត់មានដីពិតប្រាកដ ហើយមនុស្សនោះនៅយូរមែន ឬក៏ទើបមកនៅ? នៅយូរយើងគិតរឿងផ្សេង បើថា ទើបមកនៅ មកចាប់ដីខ្លួនឯង អាហ្នឹងយើងគិតរឿងផ្សេង»។
មន្ត្រីសិទ្ធិមនុស្សនៃសមាគមអាដហុក លោក ស៊ុំ ចាន់គា បានគាំទ្រចំពោះការថ្លែងបញ្ជាក់របស់អាជ្ញាធរក្នុងការចុះជួយ ដោះស្រាយជូនក្រុមអ្នកភូមិ។ ទន្ទឹមគ្នានេះ លោកបានជំរុញឲ្យអាជ្ញាធរគិតគូរផលប្រយោជន៍របស់ប្រជាពលរដ្ឋឲ្យបាន ខ្លាំងជាងផលប្រយោជន៍បុគ្គលរបស់ក្រុមហ៊ុន៕
Popular Posts
-
សរសេរដោយ ភ្នំពេញដេលីញូវ សុក្រ, 31 ធ្នូ 2010 07:12 ប្រទេសកម្ពុជាយើងមានទីតាំងបុរាណ ជាច្រើនដែលកន្លែងខ្លះបានធ្វើការស្រាវជ្រាវ និង កន្លែងខ្លះ... -
ខ្សែរ៉ក និងក្បូន នៅតាមច្រករបៀងប៉ូលីសជើងគោក 8-91 កំពុងចំលងទំនិញគេចពន្ធយ៉ាងគគ្លើន ប៉ោយ ប៉ែត៖ ទោះបីជាឯកឧត្តមនាយឧត្តមសេ... -
ថ្ងៃសៅរ៍ 01 មករា 2011 សារព៌ត័មានសេរី ពលរដ្ឋ ខ្មែរដែលត្រូវបានទាហានសៀមចាប់ខ្លួននៅពេលឆ្លងដែនចូលទៅក្នុង ទឹកដីរបស់គេក្នុងខេត្...
-
បន្ទាយ មានជ័យៈ ក្រុមរកស៊ីឈើខុសច្បាប់ បានសហការគ្នាជាមួយមេព្រៃ និងសមត្ថកិច្ចមួយចំនួនទៀត ដឹកឈើទាំងយប់ ទាំងថ្ងៃ ចូលមក... -
ដោយ ៖ កោះឯករាជ្យ ថ្ងៃ សុក្រ ទី ៣១ ខែ ធ្នូ ឆ្នាំ ២០១០ ក្រុង ប៉ោយប៉ែត ៖ ក្រុមជនជាប់ចោទចាប់រំលោភស្ត្រីលើវាលស្មៅ២នាក់ ក្នុងចំ... -
អ្នកភូមិនៅបន្ទាយមានជ័យបារម្ភខ្លាចបាត់បង់ដី ដោយ សួន សុផលមុន្នី 2010-12-11 អ្នក ភូមិជិត ៥០០គ្រួសារ រស់នៅតាមបណ្ដោយព្រំដែនខ្មែរ ក...
-
កម្ពុជាថ្មី ១០មករា ២០១១ ភ្នំពេញ ៖ បទល្មើសគ្រឿងញៀនដ៏ធំនៅខេត្តបន្ទាយមាន ត្រូវបានលាតត្រឡាងបើកវាំងននខ្មៅហើយ ដោយសមត្ថកិច្ចប្រឆាំង...
-
ដោយ៖ ស្ថាបនា 12/01/2011 បន្ទាយមានជ័យ ក្រោយពេលដែល គណៈប្រតិភូមួយក្រុមដឹកនាំដោយលោក អ៊ុង អឿន អភិបាល នៃគណៈអភិបាលខេត្តបន្ទាយ... -
ដោយ ៖ កោះឯករាជ្យ(កោះសន្តិភាព)ថ្ងៃ សុក្រ ទី ៣១ ខែ ធ្នូ ឆ្នាំ ២០១០ ខេត្តបន្ទាយមានជ័យ ៖ បន្ទាប់ពីជួបប្រជុំពិភាក្សាគ្នារវាងក្រុមមន្ត...
-
សរសេរដោយ ភ្នំពេញដេលីញូវ ប្តីប្រពន្ធពីរនាក់ក្រោយពីពិនិត្យឈាម ឃើញលទ្ធផលមានផ្ទុកមេរោគអេដស៍ បែកអារម្មណ៍រត់ចូលឡាន ដើម្បីធ្វើអត្ត ឃាតផ្អើលប្រជាព...