ថៃបិទច្រកព្រំដែនមួយឆ្លងមកខេត្តបន្ទាយមានជ័យ
ដោយ សួន សុផល មុន្នី
2010-12-14
ពី តំបន់ព្រំដែនខ្មែរ ខេត្តបន្ទាយមានជ័យ និងខេត្តស្រះកែវថៃ មានដំណឹងថា សមត្ថកិច្ចថៃបានចាត់វិធានការពង្រឹងសន្តិសុខនៅតាមព្រំដែន បន្ទាប់ពីកើតមានអំពើចោរកម្មជាច្រើនករណីមក។
មន្ត្រីព្រំដែនខ្មែរបានឲ្យដឹងថា កងតម្រួតការពារព្រំដែនប្រចាំការនៅស្រុកតាប់ព្រះយ៉ា ខេត្តស្រះកែវ ប្រទេសថៃ បានបិទច្រកបឹងត្រកួន ដែលជាច្រកតំបន់ មិនឲ្យអ្នកធ្វើដំណើរឆ្លងកាត់ឡើយ នៅថ្ងៃអង្គារ ទី១៤ ខែធ្នូ ឆ្នាំ២០១០ ក្រោយពីមានអំពើចោរកម្មកើតមាននៅតំបន់កៀកព្រំដែនក្នុងប្រទេសថៃ។
លោក នូ យ៉ត ប្រធានគណៈកម្មការច្រកបឹងត្រកួនមានប្រសាសន៍ថា ការណ៍ដែលភាគីថៃធ្វើការបិទច្រកបឹងត្រកួននេះ គឺមិនបានជូនដំណឹងមកភាគីកម្ពុជាទេ ៖ «ខ្ញុំមិនទាន់មានរបាយ ការណ៍ជាលាយលក្ខណ៍អក្សរអីទេ ប៉ុន្តែគ្រាន់តែឃើញថា របាយការណ៍ជាព័ត៌មានថាប្រជាពលរដ្ឋថៃជិះម៉ូតូមកច្រូតស្រូវវា អ៊ីចឹងដាក់ម៉ូតូចោល ច្រូតស្រូវ។ កំពុងច្រូតស្រូវបាត់ម៉ូតូ មិនដឹងបាត់ពីម៉ោងប៉ុន្មានផង បាត់ពីថ្ងៃទី១១ បាត់នៅដីថៃ ប៉ុន្តែបាត់ហ្នឹងមិនដឹងបាត់ម៉ោងប៉ុន្មាន បាត់នឹងអ្នកណាគេយក តែដល់វាបាត់ វាចោទមកខ្មែរយើងទៅ វាបិទច្រក»។
កញ្ញា បូ រ៉ា រស់នៅភូមិត្រពាំងសំរោង ឃុំគោករមាត ស្រុកថ្មពួក ខេត្តបន្ទាយមានជ័យ បានថ្លែងថា ប្រជាពលរដ្ឋខ្មែរជាច្រើននាក់ ដែលជាអ្នកស៊ីឈ្នួលធ្វើការងារលក់ដូរឲ្យគេនៅផ្សារតាប់ព្រះយ៉ា ក្នុងខេត្តស្រះកែវ ប្រទេសថៃ ត្រូវបានកងតម្រួតថៃឃាត់មិនឲ្យឆ្លងច្រកព្រំដែនចូលដូចសព្វដង ឡើយ ៖ «ខ្ញុំទិញសំបុត្រ តែតម្រួតថៃអត់ឲ្យខ្ញុំទៅផង។ គេដឹងតែបិត ខាងតម្រួត ខ្ញុំឮសូរមូលហេតុបាត់ម៉ូតូចាប់មិនបាន អ៊ីចឹងគេឲ្យបិត»។
មន្ត្រីអន្តោប្រវេសន៍ថៃប្រចាំច្រកតាប់ព្រះយ៉ា ជាប់ច្រកបឹងត្រកួនមួយរូប ដែលសុំមិនបញ្ចេញឈ្មោះ បាននិយាយជាភាសាខ្មែរប្រាប់ថា ការណ៍ដែលភាគីថៃបិទច្រកនេះ គឺពាក់ព័ន្ធទៅនិងអំពើចោរកម្មលួចម៉ូតូក្នុងទឹកដីថៃច្រើន ៖ «ម៉ូតូ ថៃបាត់ច្រើន គេថាគេចង់បានម៉ូតវិញ គេថាឲ្យម៉ូតូមកវិញគេបើក គេថាគេឃើញម៉ូតូ គេថាគេឃើញម៉ូតូហើយ ប៉ុន្តែខាងខ្មែរឯងមិនយកម៉ូតូឲ្យគេវិញ ខ្ញុំក៏មិនដឹងថាប៉ុន្មានគ្រឿង ប៉ុន្តែគេថាច្រើន»។
ទាក់ទិនករណីចោទប្រកាន់របស់ភាគីថៃនេះ ក្រុមមន្ត្រីខ្មែរប្រចាំច្រកបឹងត្រកួនបានច្រានចោល ដោយអះអាងថា ការបាត់ម៉ូតូស្ថិតនៅក្នុងដែនដីថៃគ្រប់គ្រង មិនមែនកើតមានឡើងនៅក្នុងទឹកដីខ្មែរទេ។
លោក អ៊ុង អឿង អភិបាលខេត្តបន្ទាយមានជ័យ បានមានប្រសាសន៍ថា អាជ្ញាធរខេត្តមិនទាន់ដឹងជុំវិញបញ្ហាកងតម្រួតថៃបិទច្រកទ្វារ តាប់ព្រះយ៉ា ជាប់ច្រកបឹងត្រកួននេះច្បាស់លាស់ទេ ដោយសារលោកជាប់ប្រជុំនៅក្នុងស្រុកអារ៉ាញ់ ខេត្តស្រះកែវ ប្រទេសថៃ ៖ «ខ្ញុំមិនទាន់ទទួលបានព័ត៌មានទេ ឥឡូវខ្ញុំនៅខាងអារ៉ាញ់ ឯនេះល្ងាចហ្នឹង ខ្ញុំប្រជុំជាមួយពួកគាត់»។
តាមអនុស្សរណៈនៃការយោគយល់គ្នារវាងរដ្ឋាភិបាលប្រទេសទាំងពីរ កម្ពុជា-ថៃ នាឆ្នាំ១៩៩៨ គឺបានឯកភាពគ្នាថា ច្រកទ្វារនៅតាមតំបន់ព្រំដែន គឺក្នុង ១សប្តាហ៍ ត្រូវបើក៤ថ្ងៃ ពីថ្ងៃអង្គារ ដល់ថ្ងៃសុក្រ និងមានការបិទបីថ្ងៃ ពីថ្ងៃសៅរ៍ ដល់ថ្ងៃច័ន្ទ ប៉ុន្តែការបិទច្រកទ្វាររបស់ភាគីថៃ គឺធ្វើចំថ្ងៃអង្គារ ដោយសំអាងលើកត្តាសន្តិសុខ ដែលមានចែងនៅក្នុងកិច្ចព្រមព្រៀងរវាងរដ្ឋាភិបាលប្រទេសទាំងពីរ៕
Popular Posts
-
សរសេរដោយ ភ្នំពេញដេលីញូវ សុក្រ, 31 ធ្នូ 2010 07:12 ប្រទេសកម្ពុជាយើងមានទីតាំងបុរាណ ជាច្រើនដែលកន្លែងខ្លះបានធ្វើការស្រាវជ្រាវ និង កន្លែងខ្លះ... -
ខ្សែរ៉ក និងក្បូន នៅតាមច្រករបៀងប៉ូលីសជើងគោក 8-91 កំពុងចំលងទំនិញគេចពន្ធយ៉ាងគគ្លើន ប៉ោយ ប៉ែត៖ ទោះបីជាឯកឧត្តមនាយឧត្តមសេ... -
ថ្ងៃសៅរ៍ 01 មករា 2011 សារព៌ត័មានសេរី ពលរដ្ឋ ខ្មែរដែលត្រូវបានទាហានសៀមចាប់ខ្លួននៅពេលឆ្លងដែនចូលទៅក្នុង ទឹកដីរបស់គេក្នុងខេត្...
-
បន្ទាយ មានជ័យៈ ក្រុមរកស៊ីឈើខុសច្បាប់ បានសហការគ្នាជាមួយមេព្រៃ និងសមត្ថកិច្ចមួយចំនួនទៀត ដឹកឈើទាំងយប់ ទាំងថ្ងៃ ចូលមក... -
កម្ពុជាថ្មី ១០មករា ២០១១ ភ្នំពេញ ៖ បទល្មើសគ្រឿងញៀនដ៏ធំនៅខេត្តបន្ទាយមាន ត្រូវបានលាតត្រឡាងបើកវាំងននខ្មៅហើយ ដោយសមត្ថកិច្ចប្រឆាំង...
-
ដោយ ៖ កោះឯករាជ្យ ថ្ងៃ សុក្រ ទី ៣១ ខែ ធ្នូ ឆ្នាំ ២០១០ ក្រុង ប៉ោយប៉ែត ៖ ក្រុមជនជាប់ចោទចាប់រំលោភស្ត្រីលើវាលស្មៅ២នាក់ ក្នុងចំ... -
ដោយ ៖ កោះឯករាជ្យ(កោះសន្តិភាព)ថ្ងៃ សុក្រ ទី ៣១ ខែ ធ្នូ ឆ្នាំ ២០១០ ខេត្តបន្ទាយមានជ័យ ៖ បន្ទាប់ពីជួបប្រជុំពិភាក្សាគ្នារវាងក្រុមមន្ត...
-
អ្នកភូមិនៅបន្ទាយមានជ័យបារម្ភខ្លាចបាត់បង់ដី ដោយ សួន សុផលមុន្នី 2010-12-11 អ្នក ភូមិជិត ៥០០គ្រួសារ រស់នៅតាមបណ្ដោយព្រំដែនខ្មែរ ក...
-
ដោយ៖ ស្ថាបនា 12/01/2011 បន្ទាយមានជ័យ ក្រោយពេលដែល គណៈប្រតិភូមួយក្រុមដឹកនាំដោយលោក អ៊ុង អឿន អភិបាល នៃគណៈអភិបាលខេត្តបន្ទាយ... -
សរសេរដោយ ភ្នំពេញដេលីញូវ ប្តីប្រពន្ធពីរនាក់ក្រោយពីពិនិត្យឈាម ឃើញលទ្ធផលមានផ្ទុកមេរោគអេដស៍ បែកអារម្មណ៍រត់ចូលឡាន ដើម្បីធ្វើអត្ត ឃាតផ្អើលប្រជាព...