កម្ពុជាថ្មី ១០មករា ២០១១
ភ្នំពេញ ៖ បទល្មើសគ្រឿងញៀនដ៏ធំនៅខេត្តបន្ទាយមាន ត្រូវបានលាតត្រឡាងបើកវាំងននខ្មៅហើយ ដោយសមត្ថកិច្ចប្រឆាំងអំពើពុករលួយ សហការនិងតុលាការខេត្តបន្ទាយមានជ័យ ដោយការចាប់ខ្លួនអ្នកទាំង ២រូបនោះជាអតីតស្នងការនគរបាលខេត្តបន្ទាយ មានជ័យ លោកហ៊ុន ហាន និងស្នងការរង ឈាង ស៊ុន ពាក់ព័ន្ធខ្លួននឹងគ្រឿងញៀនដ៏ធំសម្បើម ត្រូវបានចាប់ខ្លួន កាលពីថ្ងៃទី៩ និងទី១០ ខែមករាបន្តបន្ទាប់គ្នា។
សេចក្ដីរាយការណ៍នៅរាជធានី ភ្នំពេញបានឲ្យដឹងថា ការចាប់ខ្លួនលោកហ៊ុន ហាន គឺមានការសង្ស័យ ពាក់ព័ន្ធនឹងជំនួញគ្រឿងញៀនដ៏ធំ កាលពីប្រមាណ៦ខែមុន នៅរង្វង់មូលផ្លូវទៅសៀមរាប ដែលមានរថយន្ត CR-V និងរថយន្តកាមរីជាអ្នកដឹកជញ្ជូន ហើយសមត្ថកិច្ចចាប់បានបុរសម្នាក់ឈ្មោះលឹម ម៉ាប់ ជានាយការិយា ល័យប្រឆាំងគ្រឿងញៀន។ សមត្ថកិច្ចបានស្រាវជ្រាវជាបន្តបន្ទាប់រហូតឈានដល់ការដកតំណែង និងចាប់ ខ្លួនអតីតស្នងការហ៊ុន ហាន និងស្នងការរងឈាង ស៊ុន តែម្ដង៕