ថ្ងៃសៅរ៍ 01 មករា 2011 សារព៌ត័មានសេរី
ពលរដ្ឋ ខ្មែរដែលត្រូវបានទាហានសៀមចាប់ខ្លួននៅពេលឆ្លងដែនចូលទៅក្នុង ទឹកដីរបស់គេក្នុងខេត្តស្រះកែវជាប់ព្រំប្រទល់ខេត្តបន្ទាយមានជ័យ ខ្មែរ កាលពីថ្ងៃសុក្រម្សិលមិញ ត្រូវបានដោះលែងភ្លាមៗឲ្យមានសេរីភាពមកជួបក្រុមគ្រួសារវិញហើយ។
លោក ឈូក អាន មេបញ្ជាការវរៈប៉ូលិសព្រំដែន៩១១ ដែលល្បាតក្នុងខេត្តបន្ទាយមានជ័យ បាននិយាយថា ប្រជាពលរដ្ឋកម្ពុជាប្រហែលពី៣០ ទៅ៤០នាក់ ដែលត្រូវបានចាប់ខ្លួនក្នុងប្រទេសថៃ ពួកគាត់ពុំត្រូវបានឃុំខ្លួនទេ ហើយត្រូវបានបញ្ជូនមកកាន់ប៉ុស្តិ៍ត្រួតពិនិត្យព្រំដែនក្បែរនោះ។ ដោយលោកបានលើកឡើងថា ការចាប់ខ្លួននេះ មិនមែនជាការសងសឹកមកលើអាជ្ញាធរកម្ពុជាដែលបានចាប់ខ្លួនជនជាតិ គេ៧នាក់ ដែលឆ្លងដែនខុសច្បាប់ចូលមកក្នុងទឹកដីកម្ពុជាកាលពីថ្ងៃពុធនោះ ទេ។
ប្រភពដដែលបានឲ្យដឹងថា នៅពេលនេះ នៅតាមបណ្តោយព្រំដែនក្នុងខេត្តបន្ទាយមានជ័យជាប់ព្រំប្រទល់ខេត្ត ស្រះកែវ កំពុងស្ថិតនៅក្នុងស្ថានភាពតានតឹងផ្នែកសឹក។ លោក ឈូក អាន បានបន្តថា ភាគីថៃបានបន្ថែមកម្លាំងរបស់គេរាប់ពាន់នាក់មកឈរជើងនៅចំណុចដែល មានការចាប់ខ្លួនពលរដ្ឋរបស់គេនៅលើព្រំដែនប៉ែកខាងដីរបស់គេ។ ក្នុងនោះមានរថក្រោះ ហើយឧត្ថម្ភាគចក្របានហោះសំកាំងកាលពីម្សិលមិញ។ ចំណែកខាងភាគីកម្ពុជា ក៏មានការប្រុងជើងការផងដែរ៕