សរសេរដោយ ភ្នំពេញដេលីញូវ
អង្គារ, 28 ធ្នូ 2010 13:47
ប្រជាពលរដ្ឋប្រមាណ ១២០ គ្រួសារ នៅក្នុងស្រុកម៉ាឡៃបានត្រូវចាញ់ពាក្យ ឆបោកបុគ្គលមួយចំនួនដើរ អួតប្រាប់គេឯងយកឈ្មោះឯកឧត្តម កែវ តាំ មកនិយាយថា រូបគេ និង ឯកឧត្តមគឺជាមនុស្ស តែមួយក្នុងនោះពួកគេបានអោយប្រជាពលរដ្ឋដើររៃអង្គាសគ្នា ដើម្បីយកលុយទៅជួយឯកឧត្តម កែវ តាំ អោយឯកឧត្តមជួយធ្វើអន្តរាគមន៌យកដីចំណុច តំបន់បាក់រទេះនិងបឹងជង្រុកដែលស្ថិតក្នុងភូមិទូលប្រាសាទ ឃុំទួលពង្រ ស្រុកម៉ាឡៃ ខេត្តបន្ទាយមានជ័យ ក្រុមអ្នកដែលឈរ តំណាងប្រជាពលរដ្ឋមានឈ្មោះ កែវ យន ភេទប្រុសអាយុ ៥៨ ឆ្នាំ មុខរបរកសិករមានលំនៅស្ថានអចិន្រ្តៃយ៍ ភូមិទំនប់ ឃុំអូរសំពណ៌ ស្រុកម៉ាឡៃ ខេត្តបន្ទាយមានជ័យ ទីពីរឈ្មោះ ជា សុវណ្ណា ភេទប្រុស ទីបីឈ្មោះ ចាន់ សាមឿន អ្នកទាំងបីគឺជាមេខ្លោង ដើរបំផុសប្រជាពលរដ្ឋ ១២០ គ្រួសារ ខាងអោយយកប្រាក់មកចុះបញ្ជីជាមួយពួកគេដើម្បីបានដី ៥ ហិកតាម្នាក់ ។ ពាក់ព័ន្ធដីនៅចំណុចខាងលើបុរសម្នាក់ជាមន្ត្រីយោធាកងពលតូចថ្មើជើងលេខ ៥១ បានប្រាប់អ្នកយកព័ត៌មានដេលីញូវថាពួកអ្នកឪកាសនិយមបីរូបខាងលើ សំអាងលើឯកឧត្តមឧត្តមសេនីយ៍ឯក កែវ តាំ ទទួលបន្ទុកអធិការកិច្ចនៃក្រសួង ការពារបានទទួលសំណើអាជ្ញាធរសុំអោយបែងចែកដី ចំណុចបឹងជង្រុក និង បាក់រទេះអោយទៅកងទ័ពពិការចំនួន ៤០ គ្រួសារ ដូច្នេះទើបឈ្មោះ កែវ សុវណ្ណ ដើរយកលុយពីប្រជាពលរដ្ឋដើម្បីផលប្រយោជន៌ផ្ទាល់ខ្លួន ។