ដោយ៖ ស្ថាបនា 14/12/2010 ប៉ោយប៉ែត
ទោះ បីជាក្រសួងនគរដែនដីរូបនីកម្ម និងសំណង់ ក៏ដូចជាអាជ្ញាធរដែនដី បានហាមឃាត់មិនឲ្យប្រជាពលរដ្ឋ សាងសង់ផ្ទះធំៗ រឺផ្ទះថ្ម ចាក់គ្រឹះតាមមាត់អូរ នៅតាមព្រំដែនដែលមានអូរជាប់នឹងប្រទេសជិតខាង ដែលយ៉ាងហោចណាស់ ក៏ទុកចម្ងាយពីមាត់អូរ ប្រហែល ១០០ម៉ែត្រ ដើម្បីរក្សាទុក ពេលដែលរដ្ឋាភិបាលត្រូវការយកដី មកធ្វើការប្រើប្រាស់សម្រាប់ការពារប្រទេស និងជៀសវាង កុំឲ្យមានផលពិបាកដល់រាជរដ្ឋាភិបាល។ ប៉ុន្តែ គេសង្កេតឃើញថា នៅតាមមាត់អូរ នៅក្នុងទឹកដីក្រុងប៉ោយប៉ែត ខេត្តបន្ទាយមានជ័យ គេសាងសង់ផ្ទះធំៗ និងមានគេជីកស្រះចិញ្ចឹមត្រី និងក្រពើ ថែមទៀតផង។ ក្រៅពីនោះ ក៏មានតម្លើងខ្សែរ៉ក តភ្ជាប់ពីទឹកដីកម្ពុជាយើង តទៅទឹកដីថៃផងដែរ ហើយថ្មីៗនេះ គេសង្កេតឃើញយ៉ាងច្បាស់ថា មានលោកអធិការក្រុងប៉ោយប៉ែត បានទិញដី ដែលស្ថិតនៅតាមមាត់អូរជាប់ព្រំដែនកម្ពុជា-ថៃ នៅចំណុចប៉ុស្តិ៍ គោកស្បែង ស្ថិតនៅក្នុងភូមិ គីឡូម៉ែត្រលេខ៤ សង្កាត់/ក្រុង ប៉ោយប៉ែត ខេត្តបន្ទាយមានជ័យ។
បើ តាមប្រភពពីប្រជាពលរដ្ឋ នៅជិតនោះ បានឲ្យដឹងថា លោកអធិការក្រុងប៉ោយប៉ែត នឹងមានគម្រោងជីកស្រះ និងធ្វើផ្លូវបើកច្រកនាំទំនិញចេញចូល នៅកន្លែងនេះទៀតផង ក្រោយពីប្រមូលទិញដីពីប្រជាពលរដ្ឋ រួចលោកអធិការក្រុងប៉ោយប៉ែត បានកាប់ឆ្កាព្រៃ រួចជីកស្រះនៅជិតមាត់អូរតែម្តង។ ប៉ុន្តែក្រោយមកត្រូវបានលិចឮដល់ថ្នាក់ស្នងការខេត្តបន្ទាយមានជ័យ បន្ទាប់មកស្នងការខេត្ត ក៏ចាត់លោកស្នងការរងទទួលបន្ទុកផ្នែកព្រំដែន ឲ្យចុះត្រួតពិនិត្យហេតុការណ៍ទាំងនោះ ក៏ឃើញមានគ្រឿងចក្រអេស្កាវ៉ាទ័រ កំពុងជីកកាយ បានមួយចំនួន តែក្រោយមក គេក៏ឃើញស្រះ ត្រូវបានលុបដីទៅវិញ។
ប៉ុន្តែ ក្រោយមក ឃើញប្តូរទៅជីកកន្លែងផ្សេងវិញ នៅជិតមាត់អូរប្រហែលជាង ១០០ម៉ែត្រ នៅក្នុងបរិវេណរបស់គេនោះ ក្រោយពីការលិចឮថា លោកអធិការក្រុងប៉ោយប៉ែត បានជីកស្រះនៅជិតមាត់អូរ ក៏មានអ្នកសារព័ត៌មានក្នុងស្រុក បានចុះទៅដល់កន្លែងនោះ ហើយក៏បានទាញយកម៉ាស៊ីនថត ដើម្បីថតរូបភាព ប៉ុន្តែមួយសន្ទុះក្រោយមក គេឃើញមានរថយន្តប៉ូលីសក្រុងប៉ោយប៉ែត ដែលមានភ្លើងពណ៌វិល និងសារ៉ែន បំរុងនឹងឃាត់ខ្លួនអ្នកកាសែតទាំងនោះ ប៉ុន្តែអ្នកកាសែតដែលប៉ូលីសមកបំរុងនឹងក្របួចនោះ បានត្រូវបានប៉ូលីសស្គាល់ជាគ្នាឯង ហើយប៉ូលីសបាននិយាយថា "អុញបងឯងទេ!" កុំអីត្រូវវាយខ្ចោះបាត់ទៅហើយ។
បើ តាមប្រភពពីក្រុមប្រឹក្សា ឃុំ សង្កាត់ប៉ោយប៉ែត បានឲ្យដឹងថា ដីនៅតាមមាត់អូរជាប់ព្រំដែនកម្ពុជា-ថៃ ក្រសួងនគរដែនដីរូបនីកម្ម និងសំណង់ មិនអនុញ្ញាតចេញប្លង់ រឺបង្កាន់ដៃដី ឲ្យទេ ពីព្រោះដីដែលនៅជាប់មាត់អូរ ក្រសួងបានហាមឃាត់ និងមិនអនុញ្ញាតឲ្យសាងសង់ធ្វើផ្ទះថ្ម ចាក់គ្រឹះ ជៀងវាង ថ្ងៃក្រោយ រដ្ឋត្រូវការ វាធ្វើឲ្យមានផលពិបាកដល់រដ្ឋ ប៉ុន្តែសព្វថ្ងៃនេះ គេសង្កេតឃើញថា មានរោងចក្រមួយ ដែលសង់ជិតមាត់អូរ និងមានផ្ទះថ្មបុកគ្រឹះមួយចំនួនផងដែរ និងមានគេធ្វើស្រះចិញ្ចឹមត្រី ក្រពើទៀតផង។
លោក អ៊ុំ សុផល អធិការក្រុងប៉ោយប៉ែត បានប្រាប់ភ្នាក់ងារខ្មែរស្ថាបនា តាមរយៈទូរស័ព្ទថា គាត់ជីកស្រះក្នុងដីរបស់គាត់ទេ មិនមែនជីកជិតមាត់អូរទេ ខ្ញុំជីកពីរ បីរយម៉ែត្រ ពីមាត់អូរ បើលោកចង់ទៅមើល មកមើលចុះ! ចំពោះការបើកច្រកនោះ គាត់ពុំដឹងអ្វីឡើយ គាត់បន្តទៀតថា "ខ្ញុំមានសមត្ថភាពអ្វីនឹងទៅបើកច្រកនោះ!" ភ្នាក់ងារយើង ក៏បានសួរទៅលោកអធិការមួយសំនួរទៀត អំពីបញ្ហាថា កងកម្លាំងរបស់លោក ប្រុងឃាត់ខ្លួនអ្នកសារព័ត៌មាន ដែលថតយករូបភាពនៅទីតាំងក្នុងដីនោះ តើពិតមែនដែរ ឬទេ? ពេលនោះ ស្រាប់តែលោកអធិការចុចបិទទូរស័ព្ទ មិនឆ្លើយនឹងសំនួរនេះទេ តើលោកស្នងការរងខេត្តបន្ទាយមានជ័យ ជាគ្រូទាយឬ? បានជាលោកអធិការក្រុងប៉ោយប៉ែត ជីស្រះខុសទីតាំង ហើយបានឲ្យទៅជីកកន្លែងថ្មី?៕ អត្ថបទៈ ទេព សំណាង (ប៉ោយប៉ែត)
Popular Posts
-
សរសេរដោយ ភ្នំពេញដេលីញូវ សុក្រ, 31 ធ្នូ 2010 07:12 ប្រទេសកម្ពុជាយើងមានទីតាំងបុរាណ ជាច្រើនដែលកន្លែងខ្លះបានធ្វើការស្រាវជ្រាវ និង កន្លែងខ្លះ... -
ខ្សែរ៉ក និងក្បូន នៅតាមច្រករបៀងប៉ូលីសជើងគោក 8-91 កំពុងចំលងទំនិញគេចពន្ធយ៉ាងគគ្លើន ប៉ោយ ប៉ែត៖ ទោះបីជាឯកឧត្តមនាយឧត្តមសេ... -
ថ្ងៃសៅរ៍ 01 មករា 2011 សារព៌ត័មានសេរី ពលរដ្ឋ ខ្មែរដែលត្រូវបានទាហានសៀមចាប់ខ្លួននៅពេលឆ្លងដែនចូលទៅក្នុង ទឹកដីរបស់គេក្នុងខេត្...
-
បន្ទាយ មានជ័យៈ ក្រុមរកស៊ីឈើខុសច្បាប់ បានសហការគ្នាជាមួយមេព្រៃ និងសមត្ថកិច្ចមួយចំនួនទៀត ដឹកឈើទាំងយប់ ទាំងថ្ងៃ ចូលមក... -
កម្ពុជាថ្មី ១០មករា ២០១១ ភ្នំពេញ ៖ បទល្មើសគ្រឿងញៀនដ៏ធំនៅខេត្តបន្ទាយមាន ត្រូវបានលាតត្រឡាងបើកវាំងននខ្មៅហើយ ដោយសមត្ថកិច្ចប្រឆាំង...
-
ដោយ ៖ កោះឯករាជ្យ ថ្ងៃ សុក្រ ទី ៣១ ខែ ធ្នូ ឆ្នាំ ២០១០ ក្រុង ប៉ោយប៉ែត ៖ ក្រុមជនជាប់ចោទចាប់រំលោភស្ត្រីលើវាលស្មៅ២នាក់ ក្នុងចំ... -
ដោយ ៖ កោះឯករាជ្យ(កោះសន្តិភាព)ថ្ងៃ សុក្រ ទី ៣១ ខែ ធ្នូ ឆ្នាំ ២០១០ ខេត្តបន្ទាយមានជ័យ ៖ បន្ទាប់ពីជួបប្រជុំពិភាក្សាគ្នារវាងក្រុមមន្ត...
-
អ្នកភូមិនៅបន្ទាយមានជ័យបារម្ភខ្លាចបាត់បង់ដី ដោយ សួន សុផលមុន្នី 2010-12-11 អ្នក ភូមិជិត ៥០០គ្រួសារ រស់នៅតាមបណ្ដោយព្រំដែនខ្មែរ ក...
-
ដោយ៖ ស្ថាបនា 12/01/2011 បន្ទាយមានជ័យ ក្រោយពេលដែល គណៈប្រតិភូមួយក្រុមដឹកនាំដោយលោក អ៊ុង អឿន អភិបាល នៃគណៈអភិបាលខេត្តបន្ទាយ... -
សរសេរដោយ ភ្នំពេញដេលីញូវ ប្តីប្រពន្ធពីរនាក់ក្រោយពីពិនិត្យឈាម ឃើញលទ្ធផលមានផ្ទុកមេរោគអេដស៍ បែកអារម្មណ៍រត់ចូលឡាន ដើម្បីធ្វើអត្ត ឃាតផ្អើលប្រជាព...