ច័ន្ទ, 03 មករា 2011 19:09 កម្ពុជាថ្មី
បន្ទាយមានជ័យ ៖ អគ្គិភ័យមួយបានកើតឡើងកាលពីវេលាម៉ោង៦និង១៥នាទីយប់ថ្ងៃទី៣ ខែមករា ឆ្នាំ២០១១ បណ្ដាលឲ្យផ្ទះ២ល្វែងបានរងការខូចខាតស្ទើរទាំងស្រុង ដោយសារម្ចាស់ផ្ទះមិននៅចាក់សោរទ្វារចោល។ សមត្ថកិច្ចសន្និដ្ឋានជាជំហានដំបូងថាមកពីទុស្សេខ្សែភ្លើងជាដើម ចមនៃគ្រោះអគ្គិភ័យនេះ។ ហេតុ ការណ៍បានកើតឡើងនៅខាងត្បូងចំណតរថយន្តធំ ក្នុងភូមិ៣ សង្កាត់ព្រះពន្លា ក្រុងស្រីសោភ័ណ។
សមត្ថកិច្ចបានចេញប្រតិបត្តិការពន្លត់ ដោយប្រើរថយន្តបាញ់ទឹកពន្លត់អស់៣រថយន្ត ទើបអាចគ្រប់ គ្រងអគ្គិភ័យបាន។ អស់រយៈពេលជិតមួយម៉ោង គឺរហូតមកដល់ម៉ោង៧យប់ អគ្គិភ័យបានពន្លត់ជាស្ថាពរ ប៉ុន្តែនៅតែមិនទាន់ឃើញម្ចាស់ផ្ទះមកដល់នៅឡើយ។
សាក្សីនៅជិតនោះបានឲ្យដឹងថាម្ចាស់ ផ្ទះមានឈ្មោះឡាយ លក់ដូរអីវ៉ាន់ បានបិទទ្វារផ្ទះចោលមិននៅ ទើបរហូតដល់ពេលមានគ្រោះអគ្គិភ័យនោះកើតឡើង ពិបាកដល់សមត្ថកិច្ចក្នុងការវាយទម្លុះជញ្ជាំងសម្រាប់ ចូលពន្លត់អគ្គិភ័យ។
កងកម្លាំងគ្រប់លំដាប់ថ្នាក់មានមេ បញ្ជាការប៉េអឹម ប៉ូលិស អាជ្ញាធរដែនដី និងកងពន្លត់អគ្គិភ័យបាន ចេញជួយពន្លត់និងអន្តរាគមន៍ ហើយគេមិនបានដឹងពីចំនួននៃការខូចខាតជាជំហានដំបូងនេះនៅឡើយទេ៕
អ. ពៅ