បន្ទាយមានជ័យ៖ បទល្មើសសេដ្ឋកិច្ចច្រើនសន្ធឹកដែលជំនាន់អតីតស្នងការហ៊ុន ហ៊ាន មានរឿងពុករលួយនឹងអាស្រូវ រុំកោះ ដាក់មនុស្សខ្លួនយកតែលុយមិនបទប់ស្កាត់កន្លងមកឥឡូវនេះ មេ មេរងនិង មន្រ្តីប៉ូលីស ការិយាល័យប្រឆាំងបទល្មើសសេដ្ឋកិច្ចខេត្ត ទើបមានសិទ្ធវិញបានចេញបង្គ្រាប។
ប៉ូលីសប្រឆាំងបទល្មើសសេដ្ឋកិច្ចខេត្តបន្ទាយមានជ័យបង្គ្រាបទំនិញខុសច្បាប់ និងខូចគុណភាព
លើកដំបូងកាលពីថ្ងៃទី ៩ មករា ២០១១ បន្ទាប់ពីអតីតស្នងការ
មិនឃើញឲ្យបង្គ្រាបសោះកន្លងមក ( រូបៈ ប.ជ័យ)
លោក ចាប សុផាឬទ្ធិ នាយការិយាល័យប្រឆាំងបទល្មើសសេដ្ឋកិច្ចនៃស្នងការដ្ឋានខេត្តបន្ទាយមានជ័យ បានឲ្យដឹងថាៈ នៅវេលាម៉ោង ៤ និង ៣២ នាទី ទាបភ្លឺថ្ងៃទី ០៩ ខែ មករា ឆ្នំា ២០១១ កម្លាំង បានត្រួតពិនិត្យរថយន្តម៉ាកហីយាន់ដាយ ចំណុះ១តោន មួយគ្រឿងពណ៌ខៀវពាក់ស្លាក ប.ជ័យ ២A 3640 នៅចំណុចភូមិ/សង្កាត់ និមិត្ត ក្រុងប៉ោយប៉ែត បើកបរដោយឈ្មោះ អ៊ុន ស៊ានលី ភេទប្រុស អាយុ ២៣ឆ្នំា លំនៅភូមិយាងថ្មី ឃុំ កូប ស្រុក អូរជ្រៅ។ លើរថយន្តសង្ស័យ សមត្ថកិច្ចបានចែកឆេររកឃើញ ទំនិញល្មើសមួយ ចំនួន ១.បន្លែផ្លែឈឺ ចំនួន ៥០ថង់ ២.ស្ករស ចំនួន ២០ការ៉ុង ស្មើនឹង ១តោន ២.ទឹកអូឆូត ចំនួន ០៥កេស ៤.សារ៉ាយ DEEDO ចំនួន ១១កេស ៥. ស្ករ ក្រប់ XO ចំនួន ១០កេស ៦. ទឹកក្រូចដបធំ ១.៥០លីត្រ ចំនួន ១០កេស ៧.ទឹកសឺរ៉ូ ចំនួន ០៣កេស ៨.ទឹកត្រី ចំនួន ១០កេស ៨.ទឹកដោះគោក្រហម ចំនួន ៣០ប្រអប់ ១០.មីយាំយាំ ចំនួន ១៥កេស តូច ១១.នំស្រួយ ចំនួន ០៣កេសធំ ១២. សាច់មាន់ ឆ្អឹងមាន់ខូចគុណភាព ចំនួន ០៩កេស ស្មើនឹង ១៨០គីឡូក្រាម ១៣.កម្ទេចមី ចំនួន ០៣ការ៉ុងធំ ស្មើនឹង ១០៥ គីឡូក្រាម មានម្ចាស់ឈ្មោះ សុខ មន្ថា ភេទ ស្រី អាយុ ២៨ឆ្នំា ប្តីឈ្មោះ ប៉ាក់ សារ៉ាត់ អាយុ ៣៦ឆ្នាំ នៅភូមិយាងថ្មី ឃុំ កូប ស្រុក អូរជ្រៅ ខេត្ត បន្ទាយមានជ័យ រត់គេចខ្លួនបាត់។
លោកចាប សុផារឬទ្ធិ បានបន្តអោយដឹងថាៈ អ្នកបើកបររថយន្តបានបំភ្លឺ ថាៈ សាច់មាន់.ភ្លៅមាន់ និងកំទេចមី ព្រមទាំងបន្លែទាំងនេះ គឺដឹកចេញពីចំណុចច្រករបៀង ដើមពុទ្រ្ទាខាងក្រោយ កាស៊ីណូផ្កាយ៥ ស្ថិតនៅក្នុងភូមិក្បាលស្ពាន សង្កាត់/ក្រុង ប៉ោយប៉ែត។
លោក ហ៊ុយ ទូច នាយការិយាល័យផលិតកម្មនិងបសុព្យាបាល ខេត្តបានឲ្យដឹងថាៈ ការសហការជាមួយ ប៉ូលីស ក្រោយពី បង្គ្រាបសាច់មាន់ទាំងនោះ គឺត្រូវយកទៅដុតកំទេចចោល តាមបច្ចេកទេសបាញ់ថ្នំាសំលាប់មេរោគ រួចទើបដុតចោលកប់នៅភូមិ/សង្កាត់ អូរអំបិល ក្រុង សិរីសោភ័ណ កាលពីម៉ោង ២កន្លះថ្ងៃទី ៩ មករា ឆ្នំា ២០១១ ។
លោក ចាន់ កុសល ស្នងការស្តីទីនិយាយថាក្រោយពិការបង្គ្រាបបានលោកបានឲ្យការិយាល័យជំនាញ អនុវត្តតាមនិតិវិធីបញ្ជូនទៅតុលាការនូវសំនុំរឿងនេះ។ រថយន្តរក្សាទុកបណ្តោះអាសន្ននៅប៉ូលីសខេត្តឯទំនិញកំទេចចោល ហើយ ។
គួររំលឹកថាកាលពីលោកផ្កាយ១ ហ៊ុនហ៊ាន នៅជាស្នងការ គឺលោកបានបញ្ឍរជើងមេ មេរង និងមន្រ្តី ប៉ូលីសការិយាល័យប្រឆាំងបទល្មើសសេដ្ឋកិច្ច ដោយជំនួសមកវិញនូវក្រុមប៉ូលីស និងជនស៊ីវិល១ក្រុម ដឹកនាំដោយ លោកស័ក្តិ១ ម៉ៅ(ប៊ុន សុវណ្ណី) ជាអ្នកបើកឡាន និងជាជំនួយការស្នងការ,លោក ស៊ុំ ផល្លី, លោក ឆៃ ច័ន្ទសុវណ្ណពិទូ (មន្រ្តីការិយាល័យប៉ូលីសប្រឆាំងបទល្មើសសេដ្ឋកិច្ចខេត្ត) និងលោក ង៉ាន់ ចិន្តា នាយករងការិយាល័យប៉ូលីស ការពារ និងអន្តរាគន៏ខេត្ត។ គេពុំមានព័ត៌មានថា ក្រុមនេះទប់ស្កាត់ បង្គ្រាប បទល្មើស សេដ្ឋកិច្ចដែលជាអំពើខុសច្បាប់ និងប៉ះពាល់ដល់សុខភាព សន្តិសុខ ប្រជាជនមហាជននោះឡើយ។ រឿងទាំងនោះ អាចដកពីជំនាន់ស្នងការ ហ៊ុន ហ៊ាន ឲ្យពួកគេរកតែលុយចូលហោប៉ៅគាត់ ចៀសជាងទទួលខុសត្រូវចំពោះភារកិច្ច៕ ស្ថាបនា