អគ្គនគរបាលជាតិ ៖ បុគ្គលប៉ូលិសធ្វើខុសច្បាប់នាំឲ្យអាប់ឱនកេរ្ដិ៍ឈ្មោះប៉ូលិសទូទាំងប្រទេស
ច័ន្ទ, 17 មករា 2011 17:10
បន្ទាយមានជ័យ ៖ អគ្គស្នងការនគរបាលជាតិ លោកនាយឧត្ដមសេនីយ៍នេត សាវឿន ប្រកាសនៅក្នុងពិធីតែងតាំងស្នងការនគរបាលថ្មីនៅខេត្តបន្ទាយមាន ជ័យ កាលពីល្ងាចថ្ងៃទី១៧ ខែមករានេះ បានសម្ដែងការ សោកស្ដាយយ៉ាងខ្លាំង ចំពោះទង្វើប៉ូលិសខ្លះដែលធ្វើឲ្យអាប់ឱនកេរ្តិ៍ឈ្មោះប៉ូលិសទូទាំង ប្រទេស។
ខ្ញុំមិនគាំទ្រចំពោះទង្វើប៉ូលិសណា ដែលប្រព្រឹត្តល្មើសច្បាប់ធ្វើឲ្យខូចមុខមាត់រាជរដ្ឋាភិបាល និង មុខមាត់ប៉ូលិសទូទាំងប្រទេសដែលគេធ្វើល្អ។ ដូច្នេះទង្វើរបស់ប៉ូលិសណាក៏ដោយឲ្យតែប្រព្រឹត្តល្មើសច្បាប់ ត្រូវតែផ្ដន្ទាទោសមិនអាចអត់ឱនបានឡើយ ទោះបុគ្គលនោះស័ក្ដិប៉ុណ្ណា ឬខ្នងប៉ុណ្ណាក៏ដោយ។
លោកនេត សាវឿន បានផ្ដាំផ្ញើឲ្យស្នងការដែលឡើងថ្មី ត្រូវប្ដេជ្ញាចិត្តឲ្យធ្វើល្អ ដើម្បីលើកមុខមាត់ប៉ូលិសដែលធ្លាក់ចុះក្នុងប៉ុន្មានសប្ដាហ៍នេះ ហើយពង្រឹងកេរ្ដិ៍ឈ្មោះប៉ូលិសឡើងវិញ តាមរយៈការពង្រឹងសន្ដិ សុខជូនប្រជាពលរដ្ឋឲ្យបានល្អ និងសហការជាមួយសមត្ថកិច្ចគ្រប់លំដាប់ថ្នាក់ ដើម្បីជាប្រយោជន៍ប្រជាពល រដ្ឋទូទៅ។
លោកអ៊ុង អឿន អភិបាលខេត្តបន្ទាយមានជ័យបាននិយាយនៅក្នុងពិធីនោះថា អ្នកដែលឡើងកាន់ តំណែងថ្មី គឺជាតម្រូវការចាំបាច់សម្រាប់ធ្វើឲ្យសន្តិសុខនៅក្នុងខេត្តនេះ ទាំងមូលបានប្រសើរឡើង។ លោក អ៊ុង អឿននិយាយថា ខេត្តរបស់យើងកំពុងត្រូវការអ្នកខ្លាំងពូកែដើម្បីជួយការពារ សន្តិសុខ សណ្ដាប់ធ្នាប់ នៅ ក្នុងខេត្តនេះទាំងមូលសម្រាប់ប្រជាពលរដ្ឋ។
តំណែងដែលត្រូវឡើងកាន់ជាស្នងការថ្មីនៅខេត្ត បន្ទាយមានជ័យ គឺលោកខេង ស៊ុំ មកពីស្នងការរងខេត្តសៀមរាប។ លោកស្នងការថ្មីរូបនេះ បានឡើងប្ដេជ្ញាចិត្តថា នឹងពង្រឹងសមត្ថភាពប៉ូលិសឡើងវិញ ដើម្បីលើកមុខមាត់ប៉ូលិសដែលបានអាប់ឱនកន្លងមក តាមរយៈការព្យាយាមនិងខំប្រឹងការពារសន្តិសុខ ជូនប្រជាជននៅក្នុងខេត្តនេះទាំងមូល៕
ឫទ្ធី- អ.ពៅ
Popular Posts
-
សរសេរដោយ ភ្នំពេញដេលីញូវ សុក្រ, 31 ធ្នូ 2010 07:12 ប្រទេសកម្ពុជាយើងមានទីតាំងបុរាណ ជាច្រើនដែលកន្លែងខ្លះបានធ្វើការស្រាវជ្រាវ និង កន្លែងខ្លះ... -
ខ្សែរ៉ក និងក្បូន នៅតាមច្រករបៀងប៉ូលីសជើងគោក 8-91 កំពុងចំលងទំនិញគេចពន្ធយ៉ាងគគ្លើន ប៉ោយ ប៉ែត៖ ទោះបីជាឯកឧត្តមនាយឧត្តមសេ... -
ថ្ងៃសៅរ៍ 01 មករា 2011 សារព៌ត័មានសេរី ពលរដ្ឋ ខ្មែរដែលត្រូវបានទាហានសៀមចាប់ខ្លួននៅពេលឆ្លងដែនចូលទៅក្នុង ទឹកដីរបស់គេក្នុងខេត្...
-
បន្ទាយ មានជ័យៈ ក្រុមរកស៊ីឈើខុសច្បាប់ បានសហការគ្នាជាមួយមេព្រៃ និងសមត្ថកិច្ចមួយចំនួនទៀត ដឹកឈើទាំងយប់ ទាំងថ្ងៃ ចូលមក... -
ដោយ ៖ កោះឯករាជ្យ ថ្ងៃ សុក្រ ទី ៣១ ខែ ធ្នូ ឆ្នាំ ២០១០ ក្រុង ប៉ោយប៉ែត ៖ ក្រុមជនជាប់ចោទចាប់រំលោភស្ត្រីលើវាលស្មៅ២នាក់ ក្នុងចំ... -
អ្នកភូមិនៅបន្ទាយមានជ័យបារម្ភខ្លាចបាត់បង់ដី ដោយ សួន សុផលមុន្នី 2010-12-11 អ្នក ភូមិជិត ៥០០គ្រួសារ រស់នៅតាមបណ្ដោយព្រំដែនខ្មែរ ក...
-
កម្ពុជាថ្មី ១០មករា ២០១១ ភ្នំពេញ ៖ បទល្មើសគ្រឿងញៀនដ៏ធំនៅខេត្តបន្ទាយមាន ត្រូវបានលាតត្រឡាងបើកវាំងននខ្មៅហើយ ដោយសមត្ថកិច្ចប្រឆាំង...
-
ដោយ៖ ស្ថាបនា 12/01/2011 បន្ទាយមានជ័យ ក្រោយពេលដែល គណៈប្រតិភូមួយក្រុមដឹកនាំដោយលោក អ៊ុង អឿន អភិបាល នៃគណៈអភិបាលខេត្តបន្ទាយ... -
ដោយ ៖ កោះឯករាជ្យ(កោះសន្តិភាព)ថ្ងៃ សុក្រ ទី ៣១ ខែ ធ្នូ ឆ្នាំ ២០១០ ខេត្តបន្ទាយមានជ័យ ៖ បន្ទាប់ពីជួបប្រជុំពិភាក្សាគ្នារវាងក្រុមមន្ត...
-
សរសេរដោយ ភ្នំពេញដេលីញូវ ប្តីប្រពន្ធពីរនាក់ក្រោយពីពិនិត្យឈាម ឃើញលទ្ធផលមានផ្ទុកមេរោគអេដស៍ បែកអារម្មណ៍រត់ចូលឡាន ដើម្បីធ្វើអត្ត ឃាតផ្អើលប្រជាព...