ច័ន្ទ, 17 មករា 2011 16:13
បន្ទាយមានជ័យ ៖ស្រូវទុំលើដីស្រែចំនួនជាង២០ហិតាដែលបម្រុងនិងច្រូតកាត់នៅ ពេលខាងមុខនេះត្រូវអណ្ដាតភ្លើងឆាបឆេះខ្ទេចខ្ទីគ្មានសល់ខណៈពេល ស្រែជិតនោះមានម៉ាស៊ីនបោកស្រូវបានទុកចំបើងពេញវាលស្រែពេលនោះ មានកម្មករបោកស្រូវពុំមានការប្រុងប្រយ័ត្នបោះកន្ទុយបារីទៅលើ ពំនូកចំបើងពេលខ្យល់បក់មកល្ហៀកៗធ្វើអោយអណ្ដាតភ្លើងឆាបឆេះរាល អស់ជាង២០ហិកតាតែម្ដង។
ហេតុការណ៍នេះបានកើតឡើងនៅវេលាម៉ោង១ ថ្ងៃត្រង់ នៅថ្ងៃទី១៥ខែមករាឆ្នាំ២០១១ស្ថិតនៅក្នុង២ឃុំគឺឃុំរហាត់ទឹក និងឃុំបត់ត្រង់។បើតាមសម្ដីរបស់លោកអ៊ី ឡុងអភិបាលស្រុកមង្គលបូរីបានប្រាប់អ្នកយកព័ត៌មានកម្ពុជាថ្មីថា ភ្លើងឆេះស្រូវអស់ចំនួនជាង២០ហិតានេះកើតឡើងដោយសារតែកម្មករ បោកស្រូវបោះពំនូកចំបើងពេញវាលហើយកម្មករស៊ីឈ្នួលបោកស្រូវអស់ នោះពុំមានការប្រុងប្រយ័ត្នពេលដែលខ្លួនជក់បារីហើយបោះកន្ទុយ បារី ចំខែនេះជារដូវរំហើយខ្យល់បក់ជាប្រចំាផងបណ្ដាលអោយភ្លើងចំបើង ឆាបចេញជាអណ្ដាតភ្លើងតែម្ដង។
នៅក្នុងហេតុការណ៍នេះគេឃើញមាន កម្លាំងចំរុះចេញមកជួយអន្តរាគមន៍មានដូចជាលោកអភិបាលស្រុកមេឃុំ កងរាជអាវុធហត្ថព្រមទាំងលោកប៉ូលិសនិងប្រជាជនរាប់រយនាក់បានមក ជួយធ្វើអន្តរាគមន៍សំណាងល្អដែរពេលនោះមានរថយន្តពន្លត់អគ្គីភ័យ២ គ្រឿងរបស់ស្នងការខេត្តបន្ទាយមានជ័យបានមកដល់ហើយក៏ពន្លត់ភ្លើង នោះអស់តែម្ដង៕